A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Saturday 13 August 2016

ផ្ទុះ៤កន្លែងបន្ថែមព្រឹកនេះ​នៅថៃបណ្តាលឲ្យអ្នកស្លាប់កើនដល់​៤នាក់​


ដោយ លោក ពៅ មេត្តា​​ | ថ្ងៃសុក្រ ទី១២ ខែសីហា ឆ្នាំ២០១៦​ vod


(រូបភាពពី AFP)

អាជ្ញាធរថៃបានឲ្យដឹងថា នៅព្រឹកថ្ងៃសុក្រនេះមានការបំផ្ទុះគ្រាប់បែក៤កន្លែងបន្ថែមទៀតនៅក្នុងតំបន់ទេសចរណ៍នៃប្រទេសថៃ បណ្តាលឲ្យចំនួនអ្នកស្លាប់កើនដល់៤នាក់និងអ្នករបួសជាង២០នាក់។

កាលពីយប់ថ្ងៃព្រហស្បតិ៍ម្សិលមិញ មានការបំផ្ទុះគ្រាប់បែកនៅទីក្រុងហូហ៊ីន បណ្តាលស្លាប់ស្ត្រីជនជាតិថៃម្នាក់ និង ជាង២០នាក់របួសក្នុងនោះមានជនបរទេស៩នាក់។ ដោយឡែកនៅព្រឹកថ្ងៃសុក្រមានការបំផ្ទុះ៤កន្លែងផ្សេងផ្សេងទៀតនាំឲ្យអ្នកស្លាប់កើនដល់៤នាក់។

កន្លែងដែលរងការវាយប្រហារដោយបំផ្ទុះគ្រាប់បែកបន្ថែមនៅព្រឹកនេះទៀតនោះរួមមាននៅទីក្រុងភូកេត នៅ ខេត្តត្រាង នៅប៉ាងហ្គា និងខេត្តសូរ៉ាតថានី។

ជនបរទេសដែលកំពុងសម្រាកព្យាបាលនៅមន្ទីរពេទ្យរួមមានជនជាតិអាល្លីម៉ង់ អ៊ីតាលី ហូឡង់ និងអូស្ត្រាលី។

មេដឹកនាំយោធាថៃ លោក ប្រាយុទ្ធ ចាន់អូចា បានអំពាវនាវឲ្យប្រជាពលរដ្ឋរក្សាភាពស្ងៀមស្ងាត់ ហើយបញ្ជាក់ថារហូតដល់រសៀលថ្ងៃសុក្រនេះ មិនទាន់ដឹងថាអ្នកណានៅពីក្រោយការវាយប្រហារនេះនៅឡើយទេ។ ការថា ការវាយប្រហារជាបន្តបន្ទាប់នេះជាចេតនាធ្វើឲ្យប្រទេសជាតិមានចលាចល។

លោក ប្រាយុទ្ធ ចោទជាសំនួរថា ហេតុអ្វីបានជាក្រុមនោះបើកការវាយប្រហារនៅប្រទេសនៅថៃដែលកំពុងមានសន្តិភាព កំពុងមានការរីកចម្រើនផ្នែកសេដ្ឋកិច្ចនិងទេសចរណ៍។ តើអ្នកឯងជានរណា? ត្រូវស្វែងរកឲ្យឃើញ៕

No comments: